Арассыыйаҕа Педагог уонна уһуйааччы сылын чэрчитинэн олунньу ый 17 күнүгэр А.Н.Жирков аатынан Бэйдиҥэ орто оскуолатын физика кэбиниэтигэр П.С. Охлопков аата үөрүүлээх быһыыга-майгыга иҥэрилиннэ. Бу дьоро күҥҥэ Кэбээйи улууһуттан Ситтэ нэһилиэгин баһылыга Тимофеев Семен Тимофеевич салайааччылаах делегация кэлэн чиэстээн, бочуоттаан дьоһун-мааны күҥҥэ кыттыста. Делегацияҕа учууталларын аатын күндүтүк санаан үөрэппит оҕолоро Ил Түмэн сис кэмитиэтин бэрэссэдээтэлинэн үлэлээбит А.А.Софронеев, СӨ бэчээтин туйгуна И.И.Иванов, учуутал идэлээхтэр О.Д.Левина, А.Л.Сивцева уонна Ситтэ нэһилиэгин баһылыга С.Т.Тимофеев, В.Е.Колмогоров аатынан Ситтэ орто оскуолатын дириэктэрэ А.В.Новгородов кыттыыны ыллылар.
Сахалыы саҥа
Саха үөрэҕэ
Салааланан сайдан
Сандааран таҕыстын!
(А.И.Софронов)
Төрөөбүт тыл уонна сурук-бичик күнүгэр сөп түбэһиннэрэн олунньу 13 күнүгэр "Тыл хонуута" Т.О.К. оонньууга интэринээт иитиллээччилэригэр 3 хамаанданан арахсан, күрэххэ көхтөөхтүк кытыннылар. Бастакы хамаанда «Сулустар», иккис хамаанда «Мохсоҕоллор» уонна үһүс хамаанда “Кыым уота” 7 түһүмэҕи ааһаннар, бэйэлэрин мындыр өйдөрүнэн, түргэн толкуйдарынан инники түһэн «Сулустар» хамаанда кыайыылаах буолла.
Олунньу 13 күнэ— сахалартан бастакы тыл үөрэхтээх учуонай, уhулуччулаах сырдатааччы, саха маассабай суругун-бичигин төрүттээччи, сахалыы тылынан бастакы үөрэх кинигэлэрин суруйбут, бэчээттэтэн таһаарбыт Семен Андреевич Новгородов төрөөбүт күнэ. Саха Өрөспүүбүлүкэтин маҥнайгы Бэрэсидьиэнэ Михаил Николаев Ыйааҕынан бу күн Төрөөбүт тыл уонна сурук-бичик күнэ бэлиэтэнэр.
9 февраля, по инициативе женсовета Ольтехского наслега мамы и бабушки приняли участие в улусной Акции "Тепло материнских рук" по изготовлению оберега для земляков, которые находятся в зоне специальной военной операции.
Страница 9 из 25
