Үүнэр көлүөнэ тыйаатыра, аата да этэрин курдук, оҕоҕо, ыччакка кэрэни, сырдыгы, үйэлээҕи саҕар соруктаах үлэлиир.

Олунньу 14 күнүгэр Дьоллоох Дьокуускай куораттан үүнэр көлүөнэ тыйаатыра испэктээкиллэри көрдөрдө. Оҕолорго аналлаах хотугу норуоттар остуоруйаларыгар олоҕурбут «Кэҕэ» диэн испэктээкили туруордулар. Оҕолор уу-чуумпутук биир тыынынан көрдүлэр,сэҥээрдилэр.

Испэктээкил кэннэ үүнэр көлүөнэ тыйаатырын эдэр артыыстарын кытта   оҕолор көрүстүлэр.  Тоҕо артыыс идэтин талбыттарын, артыыс буоларга ханна үөрэниэххэ сөбүн сырдатан  кэпсээтилэр. Оҕолор элбэҕи биллилэр, ыйытыктарыгар хоруй ыллылар. Түмүккэ бары уопсай хаартыскаҕа түстүлэр. Өссө да маннык кэлэн испиэктээкиллэри көрдөрөр буолаарын диэн алгыс тыллары этэн тарҕастылар.