Олунньу 13 күнэ— сахалартан бастакы тыл үөрэхтээх учуонай, уhулуччулаах сырдатааччы, саха маассабай суругун-бичигин төрүттээччи, сахалыы тылынан бастакы үөрэх кинигэлэрин суруйбут, бэчээттэтэн таһаарбыт Семен Андреевич Новгородов төрөөбүт күнэ. Саха Өрөспүүбүлүкэтин маҥнайгы Бэрэсидьиэнэ Михаил Николаев Ыйааҕынан бу күн Төрөөбүт тыл уонна сурук-бичик күнэ бэлиэтэнэр.

Ийэ тыл, сурук- бичик күнүгэр анаан "Саас ылбат буочара..." кыраһыабай буочарга конкурс ыытылынна. Кыттыыны ыллылар 50 саастарыттан үөһээ саастаах Өлтөх нэһилиэгин олохтоохторо. Ол курдук 1 миэстэни ыллылар: Парасковья Петровна Попова уонна Татьяна Алексеевна Дегтярева, 2 миэстэни ылла Люция Ивановна Соловьева, 3 миэстэни Екатерина Петровна Румянцева ылла. Бары кыттыбыттар туоһу суруктарынан наҕараадаланнылар. Ону тэҥэ таабырын таайдылар, араас ыйытыктарга хоруйдаатылар.Элбэх ыйытыкка эппиэттээбит Винокурова Валентина Гаврильевна сэмэй бэлэх тутта.