«Бэйдиҥэ» холкуос 1931 сыллаахха тэриллибитэ, 35 хаһаайыстыбалааҕа. Бастакы бэрэссэдээтэлинэн артыал эрдэҕинэ 1929-30сс. Данилов Николай Степанович үлэлээбитэ. Онтон салгыы холкуос бэрэссэдээтэллэринэн үлэлээбиттэрэ:

Говоров Иван Михайлович 1930-1932сс

Максимов Василий Елисеевич 1935-1937сс

Шестаков Николай Петрович 1937-1939сс

Жирков Иннокентий Иннокентьевич 1939-1941сс

Лыткин Василий Васильевич 1941-1942сс.

Данилов Гаврил Петрович 1942-1946сс.

Данилов Гаврил Петрович I -

Мөйгө Хабырыыс (1901-1966)

Говорова Мария Михайловна (1900-1972),

     Мария Михайловна Нам оройуонуттан төрүттээҕэ. «Бэйдиҥэ» холкуос сэрии иннинээҕи уонна сэрии кэминээҕи саамай бастыҥ ыанньыксытынан Говорова Мария Михайловнаны ааҕаллара. Кини сүөһү иитиитигэр үлэтин 1934 сылтан саҕалаабыт. 1944 сыллаахха киниэхэ 9 племенной ынаҕы туттарбыттар. Ол ынахтарыттан хас биирдиититтэн 2602 лиитэрэ үүтү ыан, үрдүк көрдөрүүнү ситиһэр. Аны туран сыһыарыллыбыт ынахтарын ньирэйдэрин сууккаҕа 600 грамм улаатыннаран, ый аайы 18 киилэни улаатыннарар. Кэлин ыанньыксытынан үлэлээбит 10 сылын устата 112 эдэр сүөһүнү иитэн, холкуоһугар туттарар. Ити үрдүк ситиһиитинэн Бүтүн Сойуустааҕы Норуот хаһаайыстыбатын ситиһиилэрин быыстапкатын (БСНХСБ) кыттыылааҕа буолар, «Саха АССР 15 сыла» диэн, оччолорго олус күндүтүк сыаналанар түөскэ анньыллар бэлиэнэн наҕараадаланар. Мария Михайловна өссө ССРС сирин оҥоһуутун народнай комиссарын 1945 сыл атырдьах ыйын 28 күнүнээҕи ыйааҕынан «Социалистическай тыа хаһаайыстыбатын туйгуна» бэлиэнэн наҕараадаламмыта. Өссө үһүйээн да курдук буоллар, кини үлэтинэн-хамнаһынан оччотооҕу дойду историятын кэрэһилиир «Улахан Сэбиэскэй Энциклопедия» кинигэҕэ киллэриллибитэ диэн баар.

 

     Биллиилээх ыанньыксыттар Говорова Мария Михайловна, Шестакова Варвара Антоновна, хонуу үлэһиттэрэ Говоров Павел Михайлович, Шестаков Филипп Егорович, Неустроев Александр Иванович уо.д.а. кыһамньылаах үлэлэринэн социалистическай куоталаһыыга дьону көҕүлээбиттэр.