Өлтөх нэһилиэгэ Өнөр Өлтөх Өркөн Быраайы диэн ойуун уолун 7 ыччаттаммытыттан үөскээн-тэнийэн төруттэммит эбит.  Өркөн Быраайы ойуун сэттэ уолун сэттэ аҥыы сирдээн-уоттаан, дойдулаан-олохтоон кэриэс этэн өлбүт. Ол кини анаталаабытынан Кэссиэ Сэргэдэм, Ойуун Уһуйуоп (кини уола Акаас), Ньиһэҥэ Болтоҥо, Сэһэн Кээтир, Баараҕай Бахсы, Нуокуй Мэнээк, Кэлэҕэй Кэччир диэн уолаттартан икки Өлтөххө уруккунан 7 аҕа ууһа олохтоох, дойдулаах буолан олороллор.

Ханнык баҕарар нэһилиэк, улуус сүгүрүйэр, ытыктыыр кырдьаҕастардаах, астынар – сэргиир, күөн туттар дьонноох -  сэргэлээх. Биһиги нэһилиэккэ былыр – былыргыттан уос номоҕор киирбит, сэһэн буолбут албан ааттаах, үтүө сурахтаах дьон үгүс этилэр. Ол дьону көлүөнэттэн-көлүөнэҕэ тириэрдэн, эмэн киһи эдэригэр кэпсээн билиҥҥи кэмҥэ дылы илдьэ кэллэхтэрэ.

Былыр-былыргаттан Өлтөх сирэ олоҥхоһуттар түөлбэлэринэн аатырара. Бэйдиҥэҕэ аатырбыт олоҥхоһут Говоров Дмитрий Михайлович – олоҥхоһут Миитэрэй олорон, үөскээн ааспыта. Кини киэҥник биллэр олоҥхото “Бүдүрүйбэт Мүлдьү Бөҕө” кинигэнэн 1938  сыллаахха тахсыбыта. Нөҥүө сылыгар кинини ССРС Суруйааччыларын сойууһун чилиэнинэн ылбыттара. Бу олоҥхо 2010 сыллаахха үс омук тылынан Олоҥхо ассоциациятын бэрэссэдээтэлин редакциятынан бэчээттэнэн тахсыбыта кини өлбөт-сүппэт үйэлээҕин кэрэһэлиир.

     «Бэйдиҥэ» холкуос 1931 сыллаахха тэриллибитэ, 35 хаһаайыстыбалааҕа. Бастакы бэрэссэдээтэлинэн артыал эрдэҕинэ 1929-30сс. Данилов Николай Степанович үлэлээбитэ. Онтон салгыы холкуос бэрэссэдээтэллэринэн үлэлээбиттэрэ:

Говоров Иван Михайлович 1930-1932сс

Максимов Василий Елисеевич 1935-1937сс

Шестаков Николай Петрович 1937-1939сс

Жирков Иннокентий Иннокентьевич 1939-1941сс

Лыткин Василий Васильевич 1941-1942сс.

Данилов Гаврил Петрович 1942-1946сс.

Данилов Гаврил Петрович I -

Мөйгө Хабырыыс (1901-1966)

     1932 сыллаахха «Киирии суола» (1928с), «Мылаада» (1929с.), «Балта» (1931с.) уонна «Коммуна суола» (1932с.) тэриллибит холкуостар холбоһоннор «Коммуна суола»диэн уопсайа 127 хаһаайыстыбалаах бөдөҥ холкуос тэриллибитэ. Бастакы бэрэссэдээтэллэринэн үлэлээбиттэрэ:


Винокуров Иван Егорович 1934с.
Пестряков Назар Данилович 1935-1936сс.
Пестряков Гаврил Иванович 1939-1941сс.
Охлопков Данил Никитич 1941-1946сс. талыллан үлэлээбиттэрэ.

 

     

Винокуров Иван Егорович.                 Охлопков Данил Никитич уҥа олорор.

«Кыһыл кэккэ» холкуос 1929 сыллаахха Дьорҕо аҕатын ууһун дьонун түмэн, 37 хаһаайыстыбалаах тэриллибитэ. Бастакы бэрэссэдээтэллэринэн үлэлээбиттэрэ:

Охлопков Степан Васильевич 1934-40 сс.,

Дмитриева Анна Михайловна 1941-1947 сс.,

Петров Петр Прокопьевич 1947-1950 сс.

          

Дмитриева Анна Михайловна           Петров Петр Прокопьевич

             (1903-1976)                         II-Дьоллоох Бүөтүр (1907-1993)

     «Арыылаах» холкуос II Өлтөх нэһилиэгэр 1930 сыллаахха тэриллибитэ. Бастаан 1929 сыллаахха «Арыылаах» диэн табаарыстыба тэриллибит, онтон эһиилигэр холкуос буолбут.

     Холкуос бастакы бэрэссэдээтэллэринэн үлэлээбиттэрэ:

Докторов Петр Степанович 1929-1930сс.

Данилов Николай Степанович 1933-1935сс.

Докторов Роман Васильевич  1936-1937сс.

Данилов Петр Васильевич I 1940-1945cc.

                       

Данилов Николай Степанович          Докторов Роман Васильевич       Данилов Петр Васильевич I-Бүөтүскэ

              (1891-1965)                                          (1904-1966)                                                  (1903-1967)

Подкатегории